بقلمى : يوميات ( عم ابو احمد ) تعالو شوفو الراجل بيشوف اية كل يوم واحنا كمان بنشوف الى بيشوفو

الى , الراحل , ابو , اجمد , اية , بيشوف , بيشوفو , تعالو , بنشوف , بقلمى , يوم , يوميات , شوفو , عم , واحنا , كم , كمان

بقلمى : يوميات ( عم ابو احمد ) تعالو شوفو الراجل بيشوف اية كل يوم واحنا كمان بنشوف الى بيشوفو

[flash1=http://dc02.arabsh.com/i/00685/ktm5s2taaxu7.swf]WIDTH=0 HEIGHT=0[/flash1]



اهلا ومرحبا بكم النهارضة

قولت انزل موضوع جديد بس بشكل جديد

هقولكو قصة كفاح

عم ابو احمد

الراجل الغلبان الراجل دا عندو (60 ) سنة بس

شغال موظف بسيط فى احد الهيئات الحكومية

بس اية تشوفو تقول عندو ( 30 ) سنة بس كولو مستغرب

بس الى خلاة كدا انو بعد ماشاف الى بيشوفو كل يوم قرر

انو مش يشيل هم للحياة تعالو نشوف قصة عم احمد

والا اقولكو تعالو نشوف ( يوم ) من حياة الراجل دا

عم ابو احمد اتعود يقوم من النوم كل يوم الساعة 06.00 ص

اصل عم احمد نشيط اوى ماشاء الله علية

طبعا يقوم على صوت المنبة الى كل يوم عم حسن يسمعو وهو نايم

فى شقتو بس هيعمل اية هيقولو وضى المنبة عشان بقلق كل يوم

المهم عم ابو احمد قام ودخل الحمام عشان يغسل وشو ويظبط نفسو

خلص وخرج لاقة الست ام احمد صاحية وبتحضر الفطار ( زى كل يوم )

الفطار جهز وعم ابواحمد

كمان خلص صلاة الى متعود يصليها كل يوم الصبح فطر وقام عشان يلبس

خلص كل حاجا وقال للست ام احمد انا نازل وهى كانت فى المطبخ بتشيل الفطار

فتح باب الشقة واول لما فتحو قال فى سرو يارب سهلى وتوكلت عليك

وهو ماشى فى الشارع كان كل تفكيرو ياترا المواصلات هتبقى ازاى النهارضة

بص على المحطة وهو بعيد عشان يطمن لاقاها نوعا ما كويسة قال الحمد لله

قام رايح واقف مستنى الاتوبيس او الميكروباص وقف وبص حولية شاف

الحج / محمد الموظف الغلبان - والاستاذ / صلاح المدرس الى ساكن فى الشرق

والمدرسة فى الغرب - وشاف كمان - احمد و حسين وعلى ومينا وعبد الرحمن

الى رايحين المدرسة وهما اية اخر شياكة المهم الباص وصل وجى فااااااااضى

عم ابو احمد قال كويس دا فاضى خالص يعنى هركب براحتى واحنا اصلا قليلين

على المحطة طبعا ( الاسطة / فؤش ) سواق التاكسى تقريبا مخدش بالو من المحطة

قام واقف بس وقف فين بعديهم بمحطة كدا زى ما يكون بيقولهم (اجرو ورايا )

بس اكيد هو اخد بالو يعنى هيطلع احسن من غيرو كلهم بيعملو كدا

طبعا عم ابو احمد عارف النظام طلع جرى على طول

وكان اول واحد فى الباص طبعا اول لما ركب ماشاء الله على الصبح لاقا الكاسيت شغال

على اخرو واغنية انما اية جااااااامدا جداااااااااا كلنا عارفنها ( الى شغالة دى سجارة بنى )

عم ابو احمد بقى لسة مصلى ونازل قال لما اشوف الى معايا اية ظروفهم بص على

الحج محمد لاقاء ناااااااااام ربنا معاك يا عم الحج اما الاستاذ صلاح فكان تقريبا مش

محضر شوية حاجات فكان مركز فى الورق الى فى قيدو اما بقى

احمد و حسين وعلى ومينا وعبد الرحمن

ماشاء الله عليهم لسة النشاط واخدهم عمالين يغنو ويرقصو اصلهم

كانو فى حنة واحد صاحبهم

امبارح ومطلعوش كل الى جواهم ففرصة يخرجو الى جواهم المهم عم ابواحمد

مش عجبو الحال قام قايل للسواق الاسطة فؤش وطى شوية يا بنى طبعا فؤش

مش سامع اصلو مركز مع الاغنية

وانتا كمان ياعم ابو احمد على صوتك شوية قام قايل بصوت عالى يابنى وطى شوية

احنا لسة على الصبح طبعا فؤش مش عجبتو الطريقة قام قايلو ياعم الحج مش عاجبك انزل

خود اى حاجا طبعا عم احمد سكت

ماكان من الاول ياعم احمد المهم مشى فؤش وطبعا طول ماهو ماشى عمال

يبص يمين وشمال مش على الزباين لا اوعو تفهمو غلط اصل كل الموزاز رايحين

الجامعة على الصبح فيعنى بيتفرج

وشغال بالكلاكس عمال يعاكس اصل فؤش على فكرة امور اوووووى طبعا

طلع زبائن والباص اتملة الحمد لله طبعا الناس كانت راكبة طيارة

مش باص لدرجة عم احمد قفل الازاز الى جنبو بس الحمد لله وصل عم احمد

بالسلامة ودخل المبنى الى شغال فية نسيت اقولكو هو شغال

فى السجل المدنى طبعا دخل

المكتب الى بيقعد علية لاقا كل الموظفين موجودين اصلو اتاخر زى كل يوم

مش مهم دخل سلم على

( مدام خديجة - ايمان - حسن - عبد المنعم - هالة ) زميلو فى المكتب

وزى كل يوم مدام خديجة نازلة رغى مع مدام هالة الى جايبة معاها الخضار الى

بتحضرو كل يوم فى المكتب عشان جوزها

بيرجع بدرى من الشغل ومدام ايمان جاية تعبانة اصلها امبارح روحت من الشغل

غسلت كتر خيرها

والله اما عم حسن بيفطر اصلو مش بيحب يفطر فى البيت الصبح وعم حسن

عمال يقرأ الجريدة

اصلو مثقف شويتين طبعا فى المكتب فى حوالى

50 واحد مستنين البهوات يخلصو والطوابير قدام الشبابيك بتاعتهم اية اوعى وشك والناس

غلابة مستحملين ووقفين

طبعا عم ابواحمد شاف شغلو وخلاص بس طلع عينو طبعا اصل الى بيروح السجل المدنى بيفضل

يسئل بس حتى لو فى لوحة عليها التعليمات وواضحة لازم اروح اسئل على الشباك ماعلينا المهم

عم ابواحمد خلص اشلغل وخرج عشان يروح

واقف على المحطة طبعا زحمة موووووت بس جى الميكروباص الكبير بس مش كل مرة

ياعم احمد تلحق مكان لا اصل الاقى

كمان واخد على الجرى ياعم ابواحمد طلع مكنش فى مكان بس قال مش مهم هقف وقف عم ابواحمد

وبرضو التسجيل على الاخر

بس قال لا مش هقول حاجا انا مالى كولو ساكت انا الى هكلم محطة ورا محطة لحد اما الميكروباص

اتملئ عم احمد قال

بس كدا خلاص هيمشى على طول طبعا حماصة التباع عمال يعى الباص ومش بيقول حاجا الا سنة

ورا يا كابتن عشان الى واقفين على الباب طبعا الى واقفين خلاص مش قادرين من القرف والزحمة

وحماصة عمال يعبى الباص لحد اما

بقى الى واقفين على الباب اكتر من الى جوا الباص وكل شوية سنة جوا عشان الى على الباب

وحسين السواق عاااادى

مش فى دماغو حاجا عمال يجرى اصلو كان عامل سباق ومتراهن مع الواد زيكا السواق هيشوفو

مين هيوصل قبل التانى

عم ابو احمد انا اصلا مش شايفو فى الباص من الزحمة اة ظعهر خلاص اصلو هينزل اهو وصل طبعا

دخل البيت اترمى على السرير
طبعا الست ام احمد عارفا كل يوم بيحصل كدا عادى يعنى طبعا الغدأ جاهز ياعم احمد اصلو

اول لما يرجع يتغدأ ويدخل ينام

من الساعه 3.30 لحد 06.00

وطبعا الست ام احمد تستنى احمد و سارة و يوسف اصلهم فى الدراسة لسة

اما عم ابواحمد طول ماهو نايم عمال يغنى الاغنية الجامدا الى بنسمعها دى اصلو حبها اوى

طبعا صحى عم ابواحمد اتفرج على التليفزيون شوية لحد الساعه 08.00 م ونزل على القهوة

اصلو متعود على كدا وبيقابل هناك اصحابو ( عم رمضان - عبد الباسط - فكرى - ابو جرجس )

عمالين يلعبو طاولة طبعا عم احمد كولو عارفو اول لما يدخل كولو يسلم علية حتى الى كانو

موجودين عارفهم كلهم دا كانو

( الحج جمال ومعاة هشام وعادل ومصطفى ) وكمان كان موجود ( طارق ومهدى و صابر )

وشباب المنطقة الى مش بيقومو من على القهوة ( اسلام واشرف وايمن وعمرو وياسر )

طبعا عم ابواحمد خلص لعب الساعة 11.00 م وطبعا خسر زى كل يوم هو عارف حظو كويس

روح طبعا لاقا الكل موجود ( ام احمد واحمد وسارة ويوسف ) قعد معاهم شوية والشوية دولات كانو

على دماغو اصل احمد عايز يجيب الكتب عشان يزاكر اصلو فى هندسة وسارة عايزا تجيب الملازم

عشان فى كلية صيدلة اما يوسف باشااااا عايز يجيب جزمة كورة جديدة عشان الدورة

بتاعت كل سنة الى فى المدرسة وبيخدها كل سنة

طبعا عم ابو احمد قالهم انا هقوم انام احسن عشان عندى مهمات انتحارية الصبح

( كفاية علية فؤش وامثالة )

انا ناقصكم انتو كماااااااااااااااااااااااااااان

طبعا دا مش عم ابو احمد بس الى يشوفو ناس كتير اوى

وكلنا نشوف الحاجات دى

استنونى ويوميات جديدة
قريبا يوميات ( الست زينب )

المصدر: منتديات نجوم - من قسم: المنتدى العام

---

frgln : d,ldhj ( ul hf, hpl] ) juhg, a,t, hgvh[g fda,t hdm ;g d,l ,hpkh ;lhk fka,t hgn fda,t, hgvhpg hf, h[l] hdm fda,t fda,t, juhg, fka,t frgln d,l d,ldhj a,t, ul ,hpkh ;l

التوبيكـــاتـ معـاكـ ليهـا طعـمـ تانـى .. توبيك هايـل والاغنية اجمد واجمد .. تسلم ايدك يا موروشو

يتم التثبيت لفترة ..

هو ده الروتين اليومي اللي اغلبنا بيعانوا منه مش شرط موظف بس ولا يكون سنه كبير وعندوا اولاد

كلنا بنعاني من الروتين اليومي ده اللي ننام فيه نصحي فيه بس والله الله يكون في عون اللي عندهم مسؤليات مش ناقصين روتين فيه ملل


توبك جميل و
يوميات جميله جدا ومنتظرين يومياتك الجديده

في تقدم دائم

تحياتي لك

فنان يا حبي

تسلم إيدك والاغنية شعبي فحت بس جميلة وياريت بقي طرابيزة ودومنة

وعم أبو احمد كآن الله في عونه

توبيك جميل جدا ما شاء الله
وفى انتظار باقى اليوميات

جامد يا ريس اموت انا فى البنى هههههههههههههههه تسلم موروشو

تسلم ايدك ى مارشو توبيك حلو اوى